Kategoria: #bidegorritik

irratia.com sortu genuen duela 25 urte

Posted onLeave a comment

2000. urteko azaroaren 1ean sortu genuen irratia.com
Orain gogoratzen hasiko gara: orduko saioak, irratia sortzeko asmoa, intuizioa, inspiratutako ereduak, ilusioa…
Eta 25 urte geroago, sarean erreskatatu ahal izan ditugun altxorrak. Ordenadore zaharrak piztea lortu eta artxiboetan gordetako bitxikeriak, orduko argazkiak, zenbait emanaldi berezi, elkarrizketak…

Euskaldunon EGUNKARIA

Fernando Pessoa, Joseba Sarrionandia eta Mikel Antza 97 irratian

Posted onLeave a comment

Mikel Antza idazlea elkarrizketatu dugu #bidegorritik saioan. Literatura izan dugu hizpide. Klandestinitatea. Kartzela. Sorkuntza. Letrak. Errealitatea eta ametsak. Fikzioa eta errealitatea. Antzerkia, poesia, musika.

Fernando Pessoak atera zuen kartzelatik Sarrionandia. Datorren astean Loraldian. Eta gaur 97 irrati libreko #bidegorritik saioan.

Joseba Tapia #Tranpaldo diskoarekin eta DUPLA eta #Folklore lana

Posted onLeave a comment

Dantzan jartzeko musikarekin abiatu dugu bidegorritik irratsaioa. Gure sintoniaren egile den Joseba Tapia trikitilariak bere “triki metal” proposamena erakutsi digu, eta Tranpaldo zuzeneko diskoari buruz mintzatu gara berarekin. Urte asko eskenatoki gainean eta esperientzia eta aurrera jarraitzeko gogoa eta umorea ez du falta trikitalariak.

DUPLA ikusentzunezko proposamen bizia

Aguraingoak dira Dupla bikotekoak. Soinua, argia, irudia, dantza eta jarrera potentea agertzen dute eskenatoki gainean. Oso lan bisualak egin ohi dituzte eta beraien youtube kanala horren erakusgarri. Folklore lana plazaratu berri dute dupla chups euskarrian. Gary izan da gurekin, eta oso argi mintzatu zaigu beraien proposamenari buruz.

2020. urtea musikarekin hasi dugu

Posted onLeave a comment

Egin dugu lehen irrati emankizuna. #bidegorritik irratsaioa prest! Disko eta kantu berriak jarri ditugu lehen saioan. Sintonia frogatu, Afrikako doinuak, presoen aldekoak eta batipat euskal musikagintzak eman dizkigun nobedadeak.

Lehen saioa musika gozatuz eman dugu, eta uste baino laburragoa iruditu zaigunez, arean luzatu dugu 97 irratiko estudioan egin dugun zuzeneko emankizuna.

Orain eskuragai dago sarean, nahi duen guztiarentzat. Euskal Herriko gainontzeko irrati libre eta euskaldunetan ere eskaintzea da gure asmoa.

Txalaparta argitaletxeak 30 urte | Harkaitz Cano idazlearen azken aurreko manifestua

Posted onLeave a comment

Tafallatik zuzenean: Jon Jimenez Txalaparta argitaletxeko editorearen bizitza eta ametsak ekarri ditugu gaur irratira. Txalaparta sortu zeneko garaietara, haurtzaroko Tafalla, gazte aroko irakurketak, militante lagunak, lankideak. Jose Mari Esparza eta ezagututako idazleak. 30 urtetan batutako istorioak, 1000 liburu baino gehiago. Eta irakurleak. Kluba. Txalaparta.eus komunitatea.
Jon Jimenez Txalaparta argitaletxea

Azken aurreko manifestua


Bilbon Harkaitz Cano idazleak bere azken aurreko manifestuaren berri eman digu. Eta bere ipuinei buruz aritu gara. Eta laister publikatuko den nobela inprentara sartu bezperan zerbait aurreratu digu.

Dani Fano komiki berriari buruz eta Zinebi jaialdia Bilbori buruz Vanesa Fernandez

Posted onLeave a comment

Udazkena da eta euria ari du. Etxeko epelean El Salvadorreko istorio bat irakurtzeko gonbitea egin digu Dani Fano komikilariak. Migel Marmolen hamaika eta bat heriotzak nobela grabikoa egin du Miguelito El Salvadorreko Alderdi Komunistako sortzaile eta FMLN gerrilako kideari buruz. Komiki liburua Astiberri argitaletxeak plazaratu du.

Zinebi jaialdia Bilbon

Zinebi jaialdiari buruz aritu gara gero Vanesa Fernandez zuzendariarekin. Azaroan Bilbon izango dugun nazioarteko film labur eta dokumental jaialdiari buruzko xehetasunak eman dizkigu zuzendariak.

Black is Beltza artefaktu transmedia Fermin Muguruza zuzendariarekin

Posted onLeave a comment

97 irrati librearen estudioan izan da Fermin Muguruza ere. Oraingoan Black is Beltza proiektuari buruz mintzatu gara berarekin.
Pelikulak laugarren astea zinema aretoetan bete bezperan, pozik agertu zaigu Muguruza.

Another day of #bidegorritik Iruñetik zuzenean

Posted onLeave a comment

Zer da kultura?
Liburu bat, filme bat, elkarrizketa bat artistekin…
Hori egin dugu azken saio honetan.

Another day of life. Riyszar Kapuscinski kazetariaren liburuan oinarritutako animaziozko filmaren afitxa.


Amaia Remirez Another day of life filmari buruz aritu zaigu hizketan. Kapuscinski kazetariaren titulu bereko liburuan oinarrituta animazioko film ederra egin dute Raul de la Fuentek eta biek, lantalde itzel batekin.

Katakrak 5 urte hor

Katakrak liburudenan Hedoi Etxarterekin elkartu gara. Kooperatibaren sorrera eta garapenaz aritu gara 5 urte bete behar dituen honetan, eta azken urteotan argitalpenekin egiten ari direnaren errepasoa egin dugu.

Saioa podcast moduan entzuteko:

Xabi Bandini musikaria eta Kirmen Uribe idazlearekin hizketan

Posted onLeave a comment

Bidegorritik saioan asko mugitu gara azken emankizunean. Madrileko bere etxetxoan harrapatu dugu Xabi Bandini musikari nafarra. Begibakar diskoa aurkeztu digu, eta istorio asko izan ditugu hizpide.

Xabi Bandini “Begibakar” proiektuari buruz solasean

New Yorkera joan gara Kirmen Uribe idazlea elkarrizketatzera. Bilboko Arte Ederretako museoko alfabetoa erakusketa antolatu du Kirmenek museoaren 110. urteurrenerako.

Kirmen Uribe zuzenean New Yorkeko liburutegi publikotik

Artea, literatura, musika… gauza asko hitz egin ditugu ondarrutarrarekin.