Kategoria: #bidegorritik

OkupaTuGasteiz arrakastatsua eta Baionako Alternatiba eguna

Posted onLeave a comment

Bidegorritik saioan asteburuko kronika alternatiboa egin dugu irratian.
Gasteizko Hala Bediko Igor Goikoleak OkupaTuGasteiz ekimenaren berri eman digu.

Piztu Bilbo! kantua entzun eta Baionarat abiatu gira. Bizi! mugimenduko militantea den Mattinek asteburuko Alternatiba egunen berri eman digu. Aldaketa klimatikoaren desafioa, Baionan antolatutako ekimenak eta erronkak azalerazi dizkigu.

Alternatiba 2018 BAIONA
BIZI! mugimendua – Euskal Herria

AneGuriaren musikarekin, GetxoPhoto bisitatu ostean Oskar Alegria eta Koldo Almandoz zuzendariekin hitz egin dugu

Posted onLeave a comment

AneGuria

AneGuria abeslariak bere azken lanak aurkeztuko dizkigu irratian. Musikaz aritu gara, bere proiektuetaz, sorkuntzaz… eta oso elkarrizketa atsegina suertatu da, musika ona lagun, bere musika.
Bilbotik kostaldera egin dugu, eta GetxoPhoto nazioarteko irudi jaialdiko arduraduna den Jokin Aspururekin aritu gara berbetan.

GetxoPhoto

Gure oroitzapenak eta Oreina




Oskar Alegria zine zuzendariak Gure oroitzapenak Joseba Sarrionandiaren unibertso poetikotik sortutako pelikula kolektiboa ekarri digu saiora.
Koldo Almandoz zuzendariak berriz, Oreina filma aurkeztu du Zinemaldian, eta euskarazko pelikulen saria eskuratu du gainera.

Oskar Alegria Gure oroitzapenak

Iruñea. Oskar Alegria, zinemagilea “Gure oroitzapenak”.

Koldo Almandoz, OREINA filmearen zuzendaria

Oreina, Koldo Almandoz zuzendariaren lan bat.

Bizikleta hartu eta Tourra eta Vueltari buruz arituz hasi dugu ikasturtea irratian

Posted onLeave a comment

2018-09-12, Getxo. Txirrindularitza. Vuelta Euskal Herrian. Getxoko irteera, giroa.
Argazkia Jaltzo: foku.eus

Uztailean Tourra eta irailean Vuelta pasatu dira Euskal Herritik. Ikasturte honetako lehen bidegorritik irrati emankizunean bizikleta kontuekin aritu gara. Tourrean eta Vueltan Euskal Herriko aldarriak erakutsi zituzten zaleek errepide bazterrean, eta emankizunera Mattin Rafu lapurtarra eta Alex Arregi bizkaitarra gonbidatu ditugu.
Kataluniara joan gara gero Jone Amunarriz Gure Esku Dago ekimeneko kidearekin. Kataluniako egoera eta Euskal Herrian antolatzen ari den elkartasunaren berri eman digu Jonek.
Azkenik nazioartean Euskal Herrian jokatu diren txirrindulari froga ezberdinek izan duten oihartzunaren berri eman digu Hamaika telebistako Beñat Zarrabeitia kazetariak.

Itzulera poema liburua, H28 aldizkariaren agurra eta Komikiak Bilbon

Posted on1 Comment

Martin Bidaur bere lehen poema liburuaz-Itzulera- aritu zaigu irratian.
Unai Iturriagak umorea oso gauza serioa dela erakutsi digu, eta H28 aldizkariaren agurraz egin dugu berba.
Mikel Begoñarekin Bilboko Komiki erakusketari buruz eta Santutxun antolatu dituzten Parrapean Komiki egunak izan ditugu hizpide.

Saioa entzuteko:




irratsaioa deskargatzeko: bidegorritik artxiboa

bidegorritik.cat greba orokorra | erreferenduma | Katalunia zuzenean

Posted onLeave a comment

Euskal Herria eta Katalunia elkartu ditugu bidegorritik emankizun berezi honetan.
Gurekin izan dira Ion Telleria naiz.eus guneko kazetaria, azken asteak Katalunian ari da lanean. Bertatik aritu zaigu egunotako kronikak egiten.

Bartzelonako manifestazio batetik bat egin dugu Hamaika telebistako aurkezlea den Ekhiñe Atorrasagastirekin. Une hunkigarriak ekarri ditu gogora Ekhiñek.


Maria Colera itzultzaile eta interpretea aspaldi bizi da Bartzelonan, bere iritziak eta bizitako momentuak kontatu dizkigu, aurrera begira dituzten asmoak.


Azkenik Bartzelonako Euskal Etxera joan gara -asanbladan erabaki dute greba egitea- eta gure kultur enbaxadako berri izan dugu Ekaitz bertako kidearekin.


Euskal Herrian bizi dugun giroaz aritu zaitu asCATasunera ekimeneko Asier. Kantuak entzun ditugu eta batez ere gogoa, indarra eta ilusioa somatu dugu Katalunian bezala Euskal Herrian.

Saioa entzuteko:




irratsaioa deskargatzeko: bidegorritik artxiboa

Zazkel eta Luhusoko bakegileekin hasi dugu #bidegorritik emankizuna

Posted onLeave a comment

Zazkel taldeak EZ ENTZUN diskoa plazaratu berri du. Etxahun Arregi etorri da estudiora. Musikaz gozatu dugu, elkarrizketa atsegina eskaini digu.



Ostean Estephan Etxegarai Luhuson iaz atxilotutako lagun musikariarekin aritu gara berbetan. Datorren larunbaterako 12 oren bakearen alde jaialdia antolatu dute Bakegile eta kulturgileek.





irratsaioa deskargatzeko: bidegorritik artxiboa

#bidegorritik martxan Bilboko 97 irratian

Posted onLeave a comment

ZAZKEL eta Luhusoko Bakegileak kantuan

Bilboko 97 FM irratian berriz uhinetan.
Astelehen iluntzetan, berriz ere gure irratsaioarekin.
Prestatu kaskoak, sintonizatu.. martxan gara eta.

Irailak 25, astelehena, arratsaldeko 19:00etan

Etxahun Arregi Zazkel taldeko abeslari eta kitarra 97 irratian izango da gurekin.


Zazkel disko berriarekin esku arten

Musika beltza | Angela Davis Euskal Herrian | ilbeltza Baztanen

Posted on1 Comment

Atlantiko beltza ikastaroan ari dira Katakrak liburudendan. Isil isilik hurbildu gara, baina bertako doinuek dantzan jarri gaituzte gu ere.
Musika beltza maite dugunez… entzuten jarraitu dugu.
freeOtegiDavis

Angela Davis Euskal Herrian

Bisitan datorkigu aktibista afroamerikarra. Angela Davis gure laguna da! Bere omenezko kantuak, bere hitzak entzun ditugu, eta hemen egitekoak direnak gogoratu ditugu.

Ilbeltza eta nobela beltza Baztanen

ilbeltza
Elurre Iriarte lagunak Ilbeltzako berri eman digu Baztandik. Literatura beltza negu gorrian. Eta tokiko gogoeta batzuk.

Entzun! musika aldizkariko kantak eta Kabi@ digitala aztertzen

Posted onLeave a comment

Durangoko azokaren ajearekin egin dugu #bidegorritik saioa.

entzun

Entzun aldizkariko 2015. urteko diskoa entzuteari ekin, eta aurten ere uzta oparoa utzi digu euskal musika panoramak. La Basu, 2Zio, Anestesia, Eten, Larregi, Jp lohian eta beste entzun ditugu 97 irratian.

kabia2015

Kabi@ digitala

Bergarako Txapa irrati libreko Mikel eta Bilbo Hiria irratian aritzen den Jabi ere gurekin izan ditugu, Durangoko azokan bertan burutu zen Kabi@ aztertzeko. Egitaraua, software eta teknologia libreak, irratigintza, berrikuntza… gauza asko jorratu ditugu. Amaieran Gorka Julio Teketen gehitu zaigu, eta Europa mailan aitzindariak diren proiektu eta ekimenak daudela Euskal Herrian azpimarratu digu andoaindarrak.

Ttotelka txalaparta: arduino eta teknologia libreenarekin eraikia.

#bidegorritik irratsaioa: